ENTER STEEL

XIK Enter Steel MChJ – mamlakatdagi eng yirik mashinasozlik zavodlardan biridir. Uning qurilishi 2019 yilda boshlangan boʼlib, 2020 yildayoq zavodda dastlabki metall konstruktsiyalar ishlab chiqarila boshlangan. Enter Steel zavodiga asos solishdan maqsad dinamik rivojlanish bosqichidagi mamlakatimizda metall konstruktsiyalarga oʼsib borayotgan talabni qondirishdir. Bugungi kunda zavodda bosim ostida ishlovchi sigʼimlar, separatorlar, riseverlar, koʼprikli va chorpoya kranlari ishlab chiqarilmoqda. Bundan tashqari, neft ishlab chiqarish sohasi asbob-uskunalarini taʼmirlash va diagnostika qilish va boshqa ishlar bajarilmoqda.

Kompaniya veb-sayti

UZLITI ENGINEERING

Uzliti Engineering kompaniyasi Oʼzbekistondagi eng yirik mustaqil injiniring markazi hisoblanadi. Loyihalashtirishning eng zamonaviy texnologiyalariga asoslangan holda kompaniya neft-gaz va sanoatning boshqa sohalari uchun raqobatbardosh loyihalarni amalga oshirish imkonini yaratmoqda hamda issiqlik-energiya tarmogʼini kompleks loyihlashtirish boʼyicha barcha ishlar koʼlamini bajarmoqda.

Kompaniya veb-sayti

ENTER SOLAR

Enter Solar Markaziy Osiyoda quyosh panellarini ishlab chiqarish bo‘yicha innovatsion texnologiyalar joriy etilgan birinchi va yagona korxona hisoblanadi. Bu yerda zamonaviy uskuna — sanoat yetakchilaridan biri bo‘ lmish Ecoprogetti (Italiya) kompaniyasining fotoelektrik modullarini (FEM) ishlab chiqarish bo‘yicha avtomatlashtirilgan liniya o‘rnatilgan. Ishlab chiqarish hajmi yiliga 200 MVtni tashkil qiladi. Bunda 520–540 V quvvatga ega ishlab chiqarilayotgan FEMlar soni yiliga 367 540 dona bo‘ladi. Mahsulotning asosiy turi PERC M10 tipidagi 2 tomonlama FEP asosidagi monokristalli FEM va qo‘shimcha mahsulot M6 tipidagi FEP asosidagi monokristalli FEM bo‘ladi.

Kompaniya veb-sayti

Enter Machineries Service

EMS (Enter Machineries Service) kompaniyasi transport kompaniyasi bo‘lib, uning asosiy maqsadi qurilish obyektlarida avtomobil va maxsus texnikani samarali taqsimlash, loyihalar bo‘yicha so‘rovlarni markazlashtirilgan holda bajarish, shtatlarni malakali haydovchilar va mexanizatorlar bilan to‘ldirish, transport xizmatlarini ko‘rsatish va transport vositalarini ijaraga berishdan iborat. EMS avtoparkida bugungi kunda 1200 ta zamonaviy avtomobil va qurilish texnikasi mavjud, bu esa har qanday murakkablikdagi ishlab chiqarish vazifalarini uchinchi tomon pudratchilarini jalb qilmasdan amalga oshirish imkonini beradi. Mashinalar assortimenti paydo bo‘layotgan ehtiyojlarga qarab muntazam ravishda yangilanadi. Kompaniya faoliyatining yana bir yo‘nalishi — loyiha obyektlarida sifatli avtomobil yo‘llari qurish va asfalt qoplamalarini ishlab chiqarish.

Kompaniya veb-sayti