Ish sur‘ati jadallashmoqda

25.05.2023
Поделиться:

Toshkent viloyatida Olmaliq kon-metallurgiya kombinati (OKMK) uchun 3-misni boyitish fabrikasi (3-MBF) qurilishining faol bosqichi davom etmoqda.

Ushbu yirik loyihaning buyurtmachisi OKMK hisoblanadi. Uning amalga oshirilishi rudani qayta ishlash hajmini yiliga 160 million tonnagacha oshirishga yordam beradi, bu 2028 yilga kelib katodli mis ishlab chiqarishni yiliga 400 ming tonnagacha oshirish imkonini beradi. Pudratchi - Enter Engineering va "Uralmashzavod" XAJ konsorsiumi, loyihalash bilan esa WOOD va UzLITI Engineering muhandislik markazlari shug'ullanadi.

Ayni paytda 196 gektar maydonni egallagan obyektda umumiy qurilish-montaj ishlari olib borilmoqda. Xususan, bugungi kunga qadar 291 ming m3 beton quyilib, 49 ming tonna armatura ishlatildi. 2,35 mln m3 tuproq miqdorida burg‘ulash va portlatish ishlari olib borildi. Qurilish maydoniga 12,4 mingdan ortiq mutaxassis va 1,15 ming dona maxsus texnika jalb etilgan: buldozerlar, avtokranlar, beton aralashtirgichlar, og‘ir samosvallar, ekskavatorlar va boshqalar.

Bundan tashqari, MOF-3 negizida zavodning o‘z ehtiyojlari uchun quvvati soatiga 23,5 ming m3 bo‘lgan texnik suv ta‘minoti hamda yiliga 57,72 million tonna flotatsion qoldiqlarni tashish va saqlash uchun mo'ljallangan majmualarni qurish ishlari olib borilmoqda.  

Erishilgan asosiy natijalardan yirik maydalangan rudalar ombori (YMRO) konveyer galereyalari va shamol devorlari (60 ming m3 qurib bitkazildi) bo'yicha beton ishlarining yakunini qayd etish mumkin. Asosiy texnologik jixozlar uchun fundament qurish va bir nechta ishlab chiqarish binolarida montaj ishlarini amalga oshirish va boshqa bir qator vazifalar ham nihoyasiga yetkazildi.

Shuni ta‘kidlash kerakki, yaqin kelajakda umumiy qurilish ishlari tezligini oshirish rejalashtirilmoqda. 

 

Biz ham tavsiya qilamiz